Visa Platinum Business, Visa Signature va Visa Infinite premial kartalari egalari uchun endilikda Islom Karimov nomidagi Toshkent xalqaro aeroportidan shahar ichidagi tushirish punktigacha bir yo‘nalishda biznes-sinfdagi taksilarda bepul transfer xizmati mavjud. 
 

Imtiyozdan qanday foydalanish mumkin:

1. Islom Karimov nomidagi Toshkent xalqaro aeroportining uchib kelish terminalida joylashgan Taxi Airport Tashkent peshtaxtasiga murojaat qiling.
2. Xodimga o‘zingizning Visa Platinum Business, Visa Signature yoki Visa Infinite premial kartangizni taqdim eting va xizmatdan foydalanmoqchi ekanligingizni ayting. 
3. Taqdim etilganidan keyin validatsiya qilish terminali yordamida kartaning xizmatdan foydalanish huquqi mavjudligi tekshiriladi. Agar karta faol bo‘lsa va bepul o‘tish huquqi mavjud bo‘lsa, resepshn xodimi xizmatni bepul taqdim etadi. Aks holda – to‘lovni amalga oshirishni taklif qiladi.
    

Shartlar:

Xizmat Visa premial kartalari egalari uchun kalendar yili davomida quyidagicha taqdim etiladi:

• Visa Platinum Business kartalari bo‘yicha — yiliga 2 marta;
• Visa Signature — yiliga 4 marta;
• Visa Infinite — yiliga 6 marta.

Taklif O‘zbekiston Respublikasi hududidagi banklar tomonidan chiqarilgan, faol bo‘lgan va amal qilish muddati tugamagan va jismoniy karta taqdim etilganda Visa Platinum Business, Visa Signature va Visa Infinite kartalari uchun amal qiladi.

Visa premial kartalari bilan premial xizmatdan lazzatlaning!